Bueltan da Igandeak Dantzan iniziatiba

Hilabete honetan hasi eta maiatzera arte izango dute adinekoek dantzarekin gozatzeko aukera.

Egilea

Ikerne Zarate

Komunikabidea

Oarsoaldeko Hitza

Tokia

Errenteria-Orereta

Mota

Albistea

Data

2024/01/15

Lotura

Oarsoaldeko Hitza

Topagunerako, elkar ezagutu, eta dantzatzeko espazioa eskainiko die udalak berriro herriko adinekoei. Horretarako, Igandeak Dantzan iniziatiba berrartu du, eta hilabete honetatik maiatzera bitartea antolatu dituen saioen berri zabaldu du. lehen hitzordua, igandean izango da, hilaren 21ean.

18:00etatik 20:30era dantzarako aukera izango dute erretiratuek Niessen Kulturgunean.

Iniziatibak izan duen “arrakasta” jarri du lehen lerroan udalak, “udal departamentu ezberdinek eta erretiratuen klubetako ordezkariek egindako lanaren emaitza izan da, eta aurreko ekitaldian, arrakasta handia izan zuen programak”.

Ilusioari eutsi, eta aurten ere adinekoei begirako dantza saioekin aurrera egitea erabaki du udalak. Sarrera doakoa da eta ez da gonbidapenik beharko. Maiatzera arteko datak ezagutarazi baditu ere, ekainean ere izango dela saioa jakinarazi du udalak; horren dataren berri aurrerago emango dute. aurrerapen txiki bat egin du hala ere udalak, Zumardian izango da ekaineko saio hori iniziatiba borobiltzeko.

Igandeak dantzan saioak

Hilak 20.
Otsailak 18.
Martxoak 10.
Apirilak 7.
Maiatzak 12.

Dokumentuaren akzioak

Bidali hitzordua