Hemen zaude: Hasiera Hemeroteka Bost ikuskizun Kanbo-Luhuson

Dokumentuaren akzioak

Bost ikuskizun Kanbo-Luhuson

Antzerkia, dantza garaikidea eta zirkua ikusi ahalko dira gaur eta bihar, doan, Lapurdiko bi herriotan

Komunikabidea
Berria
Mota
Albistea
Data
2010/05/21

Dejabu konpainiaren Gizona ez da txoria ikuskizunarekin hasiko da bi eguneko jaialdia, gaur, 20:00etan, Kanboko AIEC aretoan. Sariak jaso ditu antzezlan horrek ACT Nazioarteko Eszena Talentu Berrien Jaialdian eta Pragako World Puppet Art festibalean. Txotxongiloek eta aktoreek elkarrekin bat egiten dute ikuskizunean. Bosniako gerratik ihesi Euskal Herrira etorri den emakume baten eta azpiegitura erraldoi batek baserritik bota duen gizon baten istorioa kontatzen du. Biek hegan egin eta jaioterrira itzultzea dute amets.

Vendaval konpainiaren La mer dans un verre dantza garaikideko ikuskizuna egingo dute 90 minutu geroago, pilotalekuan.

Jaialdiak Luhuson jarraituko du larunbatean. Kilikolo zirkukonpainiak Kilikolo Fitness Mouvemente lana aurkeztuko du, 19:30ean, frontoian. Babiloniako loreak antzezlana taularatuko du Artedrama taldeak, 20:30ean, kultur gelan. Zirkuarekin hasitako eguna, trapezio ikuskizun batekin amaituko da: Cie Du Bord De Piste taldearen eskutik, bakarlari bat arituko da grabitatearekin jolasten, 22:00etan, kultur salan.

IKUSKIZUNAK

Noiz. Gaur eta bihar, Kanbon eta Luhuson (Lapurdi).

Dokumentuaren akzioak