Bizkaiko Dantzari Eguna Elorrion ospatuko da igandean

34. edizioa

Antolatzaileek ekitaldiaren garrantzia goraipatu dute, eta Bizkaiko Dantzarien Biltzarraren euskal dantzen jaialdian aritzen direnek koreografietan, eszenografian eta teknikan "maila handia" erakutsi ohi dutela beti esan dute.

Bizkaiko Dantzari Eguna goizeko 11:00etan hasiko da, kalejirarekin. Ondoren dantza alardea egingo da, ondoko dantza hauekin: Dantzari Dantza (Agintariena, Zortzinangoa, Ezpata Joko Txikiak, Banangoa, Binangoa, Ezpata Joko Nagusia, Launangoa, Makil Jokoa, Txontxongiloa); Gipuzkoako Dantzak (Agurra, Makil Txiki eta Zinta dantza); Jolas Dantzak-Txikiak (Txulalai, Zapatain dantza, Xan Petrike dantza eta Esku dantza); Eltziegoko Dantzak (Correcalles, La Danza, Cuatro Calles, Arbol, Jota); Gorulariak(Domingiloa eta Arku dantza); Jauziak;Kaixarranka; eta Larrain Dantza.

Halaber, 11:00etatik aurrera, Folklore Azoka egongo da Herriko plazako frontoian, eta arratsaldez, 17:00etatik aurrera, jokoak eta puzgarriak egongo dira umeentzat eta Udaletxeko plazan erromeria Drindots taldearekin.

Bizkaiko Dantzari Eguna 2013ren argazki bat. (David de Haro)