Beste urte batez, igande honetan egin den Dantzaren Nazioarteko Eguna ospatu da Bilbon, Bizkaiko Foru Aldundiak 'Dantza alfonbra gorrian' lelopean antolatutako ekimenarekin. Bertan parte hartu dute lurraldeko hainbat herritako 15 dantza-eskoletako hainbat diziplinetako 250 ikasle baino gehiagok,besteak beste dantza klasikoan, dantza garaikidean, euskal dantzetan, flamenkoan eta dantza urbanoan ari direnak.
Jardunaldia 11:30ean hasi da, berotze-ariketekin, Areatzako pasealekuan, kioskoaren atzean. Parte-hartzaileek itsasadarreko baranda erabili dute berotze-ariketak egiten dituzten bitartean eusteko.
Horrez gain, Arriaga antzokiaren ondoan, doako bi masterclass egin dira, eta nahi duen edonork parte hartu ahal izan du. Masterclassetako bat euskal dantzei buruzkoa izan da, eta bestea, dantza lerroan buruzkoa. Berotze-ariketak egin ondoren hasi dira eskolak, 11:50an, eta Olaeta Ballet Elkarteak eta All Dance akademiak emango dituzte.
Ondoren, 12:40an, ekitaldi honetarako jarritako karpan, edizio honetan parte hartu duten eskolek eta akademiek lan koreografikoak aurkeztu dituzte.
Bizkaiko Foru Aldundiak herritar guztiak gonbidatu ditu Dantzaren Nazioarteko Egunarekin bat egitera eta berotze-barran parte hartzera akademiekin batera.
Parte hartu duten eskolak
- Biarte Dantza Eskola
- CDART Bilbao Dance Center
- Ana Rosa Tercero
- Ballet Roser Carrés eskola
- Dantzerti
- Andoni Aresti Dantza Eskola
- Ballet Tamara Blanco eskola
- Estudio de Ballet Clásico Teresa Gónzalez Ardanaz
- Igor Yebra Dantza Eskola
- Olaeta Ballet Elkartea, All Dance akademia
- Sara Etxebarri dantza-eskola
- Ross dantza-eskola
- Estudio de Ballet Saioa Ibáñez Romero
- Danza Libre
- Attitude dantza-eskola
