Biraka taldeko Mendaroko dantzariek Eibarko Coliseo antzokian egin dute urte amaierako jaialdia

Biraka taldeko Mendaroko dantzariek Eibarko dantzariekin batera egin zuten joan zen barikuan ikasturte amaierako dantzaldia, Eibarko Coliseo antzokian.

Urte “zaila” izan dutela adierazi du Mendaroko irakasleak, pandemiaren ondorioz ezin izan direlako entseatzeko elkartu. Bakoitzak bere aldetik egin ditu entseguak etxean, eta azken hiru hilabeteetan bakarrik entseatu ahal izan dute elkarrekin. “Pozik” geratu dira emanaldiarekin, eta arduradunak adierazi du “meritu handia” izan dutela “urte gogor” honetan ere maila “ona” eman dutelako dantzariek.