Bilboko plazetan erromeriak egingo dituzte zazpi dantza taldek

Gaztedi dantza taldeak 60. urtemuga ospatuko du, Ibon Koteron, Jon Maia eta beste batzuen eskola bereziak eskainiz

Santutxuko Gaztedi dantzari taldeak 60. urtemuga ospatuko du. Eta, ohikoak dituen erromeriak egiteaz gain, eskola bereziak eskainiko ditu zenbait adituren eskutik, Begoñako auzo etxean. Ibon Koteron musikariak (ostiral honetan), Natxo Montero dantzariak (larunbatean), Kepa Junkera musikariak (martxoaren 25ean) eta Jon Maia dantzariak (martxoaren 26an) emango dituzte eskola horiek, besteak beste.

Horretaz gain, 300 dantzari bilduko dituen ikuskizuna prestatzen ari da Gaztedi, Udalarekin elkarlanean. Uztail hasieran emateko asmoa dute, Kalealdia jaialdiaren barruan.