Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Bilboko Kalealdia, nazioartekoa eta diziplina ugarikoa

Dokumentuaren akzioak

Bilboko Kalealdia, nazioartekoa eta diziplina ugarikoa

Uztailaren 2tik 6ra, Euskal Herriko zein atzerriko 20 konpainia bilduko dira Bilboko kaleetan

Kalealdia, Bilboko kaleko antzerki eta arteen jaialdiaren XIV. edizioak nazioarteko ordezkaritza zabala bilduko du. Uztailaren 2an hasi eta bost egun iraungo du jaialdiak, eta Frantziako, Belgikako, Herrialde Katalanetako, Espainiako zein Euskal Herriko 20 konpainiak parte hartuko dute. Aurtengoa Bilboko Udalak, Bilboko Metroak eta Institutu Frantsesak antolatu dute elkarlanean. Ikuskizunak Kale Nagusian, Zazpikaleetan eta inguruetako hainbat plazatan izango dira. Jaialdia, uztailaren 6ko gaueko hamabietan bukatuko da Xarxa Teatre konpainiaren Papers lanarekin.
Egilea
Asier Garcia
Komunikabidea
Berria
Tokia
Bilbo
Mota
Albistea
Data
2013/06/19
Lotura
Berria

Hamaika ikuskizun

Guztira hainbat generotako 39 ikuskizun izango dira Bilboko kaleetan bost egun horietan: musika, dantza garaikidea, kaleko antzerkia, egitura mugikorrak edo zirkuko diziplinekin egindako fusioa, klown-a, eskujokoak, akrobaziak, txotxongiloak eta abar.

Bilbora bilduko diren konpainien artean antolatzaileek honako hauek nabarmendu dituzte: Xarxa Teatre valentziarrak; Subliminati Corporation eta Systeme Paprika frantsesak; Zanguango Teatro arabarrak; Ouch entertainment et zirk theatre co-production belgikarrak eta Compañia de Circo EIA katalanak. Haiekin batera, ATX Teatroa, Deabru Beltzak, Hortzmuga eta Turukutupa Euskal Herriko konpainien parte hartzea azpimarratu nahi izan dute.

Tailerrak eta ikastaroak

Kaleko ikuskizunez gain, aurtengo Kalealdiak berrikuntza bat dakar. Hiru tailer eta ikastaro izango dira egun horietan. Alde batetik, zirkuko profesionalentzako bi ikastaro egongo dira: bata, Mikel Aialak zuzendutako esku jokoen ikastaroa, eta, bestea, Koblakariren eskutik, gorputzaren eta objektuen manipulazioaren ingurukoa. Harrobian eta Zirkotzaurren egingo diren ikastaro horiek doakoak izango badira ere, aurrez izena eman beharra dago. Bestalde, publiko guztiei zuzendutako sorkuntza tailer ireki bat ere izango da, uztailaren 6an Plaza Berrian egingo da eta ez da aurretik izena eman beharko.

XIV. Kalealdiko ikuskizun zein tailerretako informazio guztia www.bilbokokalealdia.com web orrian eskura jarri dute.

Dokumentuaren akzioak