Bihar, umeen euskal jaia

Goizeko 10:30etan bilduko dira dantzari txikiak Ibaibarriaga plazan eta ohiko ogitartekoa eta freskagarria emango zaie lehenik. 11:30etan, dantza taldeak kaleetan zehar aterako dira zenbait puntutan dantza erakustaldiak burutzeko asmoz. 13:30etan, goizeko erakustaldia hasiko da Txurruka plazan, bertan talde bakoitzak bere aldetik eta bukaeran denak batera arituko direlarik. 14:,30etan bazkaltzera bidaliko dituzte haurrak etxeetara eta monitore eta txistulariak berriz Lagun Artea elkartean bilduko dira.

Arratsaldeko alardea berriz 17:00etan hasiko da Txurruka plazan eta ordubeteko iraupena izango du. Gogoratu, Gure Ametsa dantza taldeak ikasturtearen amaiera bezala prestatzen duela ikuskizuna, bataz beste 100 ikasletik gora dituztelarik bertan.

Agurra dantzatuaz hasiko da eguerdiko dantza erakustaldia plazan.