Bihar da azken eguna Euskal Herriko dantza suelto txapelketan izena emateko

Seguran jokatuko da, urriaren 17an.

Aurten 39. urtez jokatuko da Seguran Euskal Herriko dantza suelto txapelketa. Urriaren 17an izango da, 18:00etan, Baratze pilotalekuan. Gehienez, hamabi bikotek parte hartuko dute. Gehiagok izena ematen badute, bezperan jokatuko da kanporaketa.

Izena emateko azken eguna bihar da, 14:00 baino lehen. Horretarako, 943 28 98 48 telefonora deitu edo dsueltoa@gmail.com helbidera idatzi behar da. Txapelketako oinarriak eta informazio gehiago, dantza sueltoko txapelketen webgunean.

Iazko irabazleak, Amets Amubieta eta Maialen Aldalur. / Arg.: Segurako Udala