Bermeotarrak Euskal Herritik barrena ibili dira Alkartasunako dantzariekin

Alkartasuna Dantza Taldeko dantzariekin Euskal Herritik barrena bidaiatzeko aukera eduki zuten zapatuan Artza frontoira bertaratu ziren herritarrek. Aurten prestatu duten urteko ekitaldiak, herritik mugitu barik, bidaiatzeko aukera eskaintzen zuela iragarri zuten.

Argazkia: Txebi Arriaga

Bertaratu zirenek leku askotako dantzak ikusi zituzten, eta dantzariek dantzak erakusteaz gain, irudien bitartez, bideo desberdinak jarrita, dantza bakoitzaren testuingurua ezagutu ahal izan zuten.

Argazkia: Txebi Arriaga

Dantza taldeko kideak “oso pozik” geratu dira urteko ekitaldiak emandakoagaz: “Polito urten zen ekitaldia. Guk dantzariok ondo pasa genuen dantzan, eta uste dugu publikoak ere ondo pasa zuela. Izerdia bota genuen, baina oso ondo joan zen”.