Dokumentuaren akzioak
Bedaioko ingurutxoa ezin falta festetan
Tradizioarekin jarraituz, herriko dantzariek Bedaioko ingurutxoa dantzatu dute herri kirol saioaren ostean.
Festak zapore gozoz amaitzeko, ekitaldiz betetako arratsaldea izan dute Bedaion. Lehenik, herri kirol erakustaldia eskaini dute Aimar Irigoien harrijasotzaileak eta Julen Alberdi eta Eneko Otaño aizkolariek. Jarraian, hainbat urtetan zehar egin izan duten Bedaioko ingurutxoa dantzatu dute adin guztietako herritarrek. Umorez eta txalo artean dantzatu ahal izan dute.
Afaltzeko gogoarekin dabilenarentzat afaria izango dute Artubi kultur elkartean; ardi gixadua eta mondejuak izango dituzte dastatzeko. Afalondoren, suziria jaurtiko dute jaiei amaiera emateko.
Dokumentuaren akzioak
