Dokumentuaren akzioak
Bedaioko ingurutxoa dantzatuko dute gaur bertako dantzariek
Bihar atseden eguna izango dute bertan, jaietako egun handia asteartean ospatzeko indar berrituta
Aurrera darrai aurtengo Bediako jaien egitaruak. Gaur, goizeko 11:00etan Meza Nagusiaren ondoren, hamaiketako trikitilariez lagunduta izango da. Gero, 13:00etan Bedaioko XXVI. Txirrindulari igoera (federatugabekoak) burutuko da.Arratsaldean, 18:00etan, herri kirol erakustaldia izango da. Aizkolaran, Aitzol Atutxa eta Xabier Orbegozo 'Arria' arituko da. Harrijasotzen, Aimar Irigoien eta Joxe Ramon Iruretagoiena 'Izeta II.' Ondoren, Bedaioko ingurutxoa eskainiko dute bertako dantzariek.
Asteartean berriz, Andra Mari Jaiokundearen eguna izanik, goizkeo 11:00etan Meza nagusia izango da. Ondoren, hamaiketakoa trikitilariez lagunduta Abaetxe jatetxean eta toka txapelketa iragarrita daude. Arratsaldeko 14:00etan, jubilatuen bazkaria izango da Abaetxe jatetxean. Arratsaldean, 18:00etan, Sutarri dantza taldearen emanaldia eta gaueko 21:00etan, afaria Artubi Elkartean .
Atzo berriz, ume jolasak izan ziren arratsalde partean Bedaion. Ilun-tzean berriz, herri afaria izan zen parte ahrtze handiarekin. Ondoren, ordu txikiak arte erromeria izan zen Izer - Alabier eta Ansorregi - Larrañaga trikitilariekin.
Dokumentuaren akzioak
