Baztandarren Biltzarrari egin dio harrera Elizondok, auzolana eta aniztasuna aldarrikatuz
Baztandarren Biltzarrari harrera egin dio igande honetan Elizondok. 1963tik ospatzen den festa honek bailara osatzen duten 15 herrietako biztanleak bildu ditu, eta tradizioa, auzolana, aniztasuna eta aldarrikapenak ez dira falta izan Baztango ekitaldi garrantzitsu honetan.
Baztango herritarren arteko adiskidetasuna bultzatzen duen festa ospatu dute Elizondon. (Jagoba MANTEROLA | FOKU)
Baztandarren Biltzarra Elkartea berritzeko beharrizanari erantzuna eman zioten gazteek, eta ordutik egun berezi hau aurrera ateratzea lortu dute. (Jagoba MANTEROLA | FOKU)
Baztan osatzen duten 15 herrietako bizilagunak, Elizondoko kaleetan zehar karroza deigarrietan. (Jagoba MANTEROLA | FOKU)
Frankismoan bezala ikurriña udaletxean jartzea debekatu dutela salatzen zuen pankarta. (Jagoba MANTEROLA | FOKU)
Ohiko karrozen desfilearen irudia, guardia zibilekin eta artzainekin. (Jagoba MANTEROLA | FOKU)
Ederki sartu dira paperean pertsonaia guziak. (Jagoba MANTEROLA | FOKU)
Jokoa eta edaria desfilea alaitzeko. (Jagoba MANTEROLA | FOKU)
Festa eguna Aroztegiaren auzian zigortuak diren gazteentzako sustengu ekonomikoa ematen hasteko parada izan da. (Jagoba MANTEROLA | FOKU)
Aizkolariak, Elizondon. (Jagoba MANTEROLA | FOKU)
Baztango herritarren arteko adiskidetasuna bultzatzen duen festa ospatu dute Elizondon. (Jagoba MANTEROLA | FOKU)
15 / 22
Baztandarren 61. Biltzarra Elizondon ospatu dute igande honetan bailara osoa osatzen duten hamabost herrietako biztanleek. Goizean goizetik, jai giroa izan da nagusi, eta ohiko orga desfilean hamabost karroza izan dira, Baztango historiaren pasarteak kontatu dutenak.
Ohiko karrozen desfilea 11.00etatik aurrera hasi da. Halaber, festak herri bazkari batekin jarraitu du Merkatu Plazan. Sabelak beterik, artisautza azoka antolatu dute Pedro Axular kalean, inguruetako artisauek eskuz eginiko produktuen erakustoki gisa. Arratsaldean, musikak eta dantzek bete dituzte Elizondoko plaza eta kaleak, gauera arte iraunen duen kontzertu egitarauarekin.
Urtero bezala, jai honen oinarrian dauden elkartasuna, auzolana, identitatea eta euskara nabarmendu nahi izan dituzte, eta, ildo horretan, ikurriña Udaletxean jartzeko debekua salatu dute pankarta batekin, baita Lekarozen 2021. urtean Aroztegiko egitasmoari aurre egin zioten lagunen aurkako jazarpena. Ildo horretan, festa eguna Aroztegiaren auzian zigortuak diren gazteendako sustengu ekonomikoa ematen hasteko parada izan da.
Balore horiek guztiak, eta bereziki euskara eta aniztasuna, islatu ditu Saioa Ligos elizondotarrak aurtengo Baztandarren Biltzarrerako egin duen kartelan. Gainera, aurten Elizondoko Herri Eskola omendu nahi izan dute ospakizunean.