Hemen zaude: Hasiera Hemeroteka Basterretxeak dantzariei egindako eskulturak, ikusgai

Dokumentuaren akzioak

Basterretxeak dantzariei egindako eskulturak, ikusgai

Segurako dantza txapelketarako egindako zazpi artelan erakutsiko ditu hango kultur etxean larunbatetik aurrera

Egilea
Felix Ibargutxi
Komunikabidea
Diario Vasco
Tokia
Donostia
Mota
Albistea
Data
2010/09/30
Lotura
Diario Vasco
Nestor Basterretxeak Segura herriarekin urteetako lotura dauka. Seguran, 1977. urtean Euskal Herriko Dantza Sueltoko Txapelketa lehen aldiz ospatu zen eta Nestorrek eskultura bat egin zuen irabazleek ordezkatzen zuten herriko Udalarentzat izango zena, beti ere, hirutan jarraian irabazi ezkero edota 5 urtean 3 aldiz. Horrela bada, 33 urte hauetan, Lezo, Donostia, Hernani, Azkoitia bitan eta Bergarako Udaletxeetara joan dira eskultura horiek.
Beti musutruk
Guztira zazpi eskultura landu ditu artista honek eta beti musu-truk gainera. Segurako Udalak, 2009an, eskultura guztiak elkartu eta kopiak egin zituen herrian gordetzeko helburuarekin. Hain zuzen ere, zazpi eskultura horiek dira larunbatetik aurrera ikusgai egongo direnak herriko kultur etxe berrian, azaroaren 13ra arte.
Astelehenetik ostiralera 17:30etatik 19:30etara egongo da zabalik erakusketa, eta asteburu eta jai egunetan 18:00etatik 20:00etara.
Bestalde, 2003an esan zion Segurako Udalak Basterretxeari eskulturaren bat jartzeko herriko kaleren batean. Azkenean Frontoi Zaharra aukeratu zuten kokaleku- tzat, eta artistak burdinazko pieza egin zuen, izen honekin bataiatu zuelarik: 'Segura, erasotzaileengandik libre bizitzearen alde borrokatu zutenen omenez'. Herrikoplazan dagoen beste eskultura hori, berriz, ez da finkoa. Kultur etxeko erakusketa irauten duen bitartean bakarrik egongo da han.
Gainera, urriaren 16an, Aterpetxean, 'Amalur' filma eskainiko da, Nestor Basterretxea bertan dela, bukaeran solasaldia egingo delarik.
Aurtengo udan Baionako bi aretotan erakutsi ditu Basterretxeak bere lanak, Euskal Museoan eta Carré Bonnat delakoan. Eta iaz, berriz, Arantzazuko kriptan albiste handia izan zen: berriz ere inauguratu ziren Bermeoko artistak han aspaldi egindako margolanak.
Basterretxeak dantzariei egindako eskulturak, ikusgai

Artista eta lana. Basterretxea, Segurako plazan atzo. :: MARIN

Dokumentuaren akzioak