Baserriz baserri, Mairuek haien ibilbidea egingo dute

Inauteriak erortzear daude, eta beraz, herriko hainbat eragile prestaketetan daude bete betean. Emekiren kasuan, hala da. Larunbatean egingo dituzte Mairuak urtero lez, Hondarribiko baserrietatik barrena. 32. aldiz egingo dute egitasmoa, eta herriko hainbat baserri bisitatuko dituzte, puskak bila, hala nola, Montañenea, Gurutze, Erranda Zar, Txapelin, Postigu, Mikel Enea, Lujunea, Higeralde, Etxebarria, Lekuona, Nabarrenea eta Arroka Berri jatetxea.

Zelestina Mirandak urtez urte mantendu zuen Mairuen tradizioa, baserriz baserri dantzaka, bertako barazkiak biltzen. 1992. urte arte egin zuen, Emekik testigantza hartu arte. Aurpegia zikindu eta radiokaset batekin joaten zen baserriz baserri, bere erratzarekin bertako izpiritu txarrak uxatzera. 

Geldialdia Jaizkibel kanpinean egingo dute, 10:00etan. Urtero bezala, edonor batu daiteke puskak biltzera. Trapu zaharrak jantzi, aurpegia zikindu eta lastozko kapela besterik ez da behar.