Hemen zaude: Hasiera Hemeroteka Balletaren edertasunaren azpiko bortizkeria

Dokumentuaren akzioak

Balletaren edertasunaren azpiko bortizkeria

Darren Aronofskyren 'Black Swan' filmak zabaldu du, txalo eta txistuen artean, Mostrako lehiaketa

Egilea
Efe
Komunikabidea
Berria
Tokia
Venezia
Mota
Albistea
Data
2010/09/02

Natalie Portman jarri du zuzendariak dantzari nagusiaren rolean, eta ondoan izan ditu Barbara Hersey ama zikiratzailearen rolean, Winona Ryder behera datorren dantzariarenean eta Vincent Cassel konpainiako zuzendariarenean. Portmanen esanetan, «ego artistikoaren azterketa» egiten du filmak. «Norbera erakarri eta nazkatzen duen nartzisismoaz dihardu». Eta antza, Mostran atzo kreditatuentzat emandako saioan elkartu zirenei ere gauza bera gertatu zitzaien, aldeko txalo zaparradak eta kontrako oihu eta txistuak soilik entzun baitziren aretoan.

Lehiaketatik kanpo Robert Rodriguezek Machete filma aurkeztu zuen jaialdiaren lehen jardunaldian. AEBetan bizi diren jatorri mexikarreko herritarrek ustelkeriari aurre egiteko duten borroka islatu du Rodriguezek film bizian. Gaiak gaurkotasun handia izan arren, 15 urtetik gora daramatza Rodriguezen Machete-k kontatzen duen historia lantzen, eta, Texasko zuzendariaren ustez, ordutik gaur egunera egoera aldatu egin da, «zorionez, gaur egun [AEBetako] gobernuak presio handiago du herrialde gisa zerbait gehiago egiteko, herritarrek beren arauak ezarri beharrik gabe».

Dokumentuaren akzioak