Hemen zaude: Hasiera Hemeroteka Azpitarte anaiak, Euskadiko dantza txapelketako saria ekarri zuten bigarrengo urtez udalera

Dokumentuaren akzioak

Azpitarte anaiak, Euskadiko dantza txapelketako saria ekarri zuten bigarrengo urtez udalera

Egilea
Joaquin Sudupe
Komunikabidea
Diario Vasco
Tokia
Azkoitia
Mota
Albistea
Data
2006/08/11

Udalaren Sari Nagusia Nestor Basterretxearen eskultura lanak irudikatzen du. Sari hau, lehenengo sailkatutako bikoteak ordezkatzen duen Udaletxean gordetzen da hurrengo txapelketa egin arte. Bikote irabazleak ordezkatzen duen Udala sariaren jabe egingo da baldin eta bikote horrek hiru aldiz segidan edo bost urtez txandaka txapelketa hau irabazten badu.

Ez dira asko ohore hori izan duten bikoteak eta horien artean 1998-99-2000. urteetan irabazi ondoren Kimetz Larrañaga eta Eneritz Epelde Azkoitiarrak lortu zuten eskulturaren jabetza.

1985-1987-1988 eta 1992. urteetan beste azkoitiar bikote batek irabazi zuen txapelketa eta bosgarren aldiz irabazi beharrean gelditu ziren eskulturaren jabetza lortzeko; bikote hau Isaac Agirre eta Belén Sagarzazuk osatzen zuten.

Azpitarte Anaiak

Azkeneko bi urteetan ere azkoitiarrak izan dira txapeldun Euskadiko Dantza Sueltoko Txapelketan, hain zuzen Azpitarte anaiak eta atzo ekarri zuten eskultura Azkoitiko udaletxera.

Bigarrengo urtez, Nestor Bazterretxearen obra udaleko pleno aretoan egongo da hirugarren garaipenaren zain, betiko Azkoitian gelditzeko.

Bikote honek badaramatza 20 urte dantzan elkarrekin eta beraiek adierazi zuten bezala, gaur egun dantza egiteko, gero eta teknika zehatzagoa behar da, pausoak eta mugimenduak gero eta konplikatuagoak direlarik.

Bestalde, orain murgildurik daude urteko momentu lanpetuenean, hain zuzen Segurako txapelketak zabaltzen duena eta irailean Donostian bukatzen dena

Dokumentuaren akzioak