Aurtengo San Anton Jaietan herritarren arteko Lehenengo Dantza Suelto Txapelketa egingo da

Gaueko 23:00etan Bertso-Jaialdia egingo da Jexux Mari Irazu, Sustrai Colina, Leire Ostolaza eta Beñat Lizaso bertsolariekin. Ondoren, Getariako I. Dantza Suelto Txapelketa ospatuko da. Txapelketa 18 urtetik gorako herritarrentzat da; antolatzaileek azaldu digutenez txapelketa herritar guztientzako da: "Ez dugu profesionalentzat antolatu, ahalik eta herritar gehienek parte hartzea nahiko genuke, eta bakoitzak dakien modura dantza egitea". Parte hartzaileek fandangoa eta arin-arina dantzatu beharko dituzte.