Dokumentuaren akzioak
Aurrera elkarteko eguna ospatuko dute bihar Leitzan
Goizean goiz, 09:00etan ekingo diote festari. Ordu
horretan txistulariak izango dira herritarrei festara irteteko diana
joko dutenak. Goiz osoan zehar, gaztetxoentzat rokodromoa eta tirolina
jarriko dituzte herriko plazan, eta zaldi gurdian ibilalditxoa egiteko
aukera ere izango dute. Besatlde, Aurrerako pilotariak eta dantzariak
ariko dira plazan, eta tartean, txaranga doinuak ere bai, giroa
alaitzeko eta nahi duenak dantza egiteko.
Bazkaria ere izango da aurtengoan. Bertarako txartelak Torren eta Peritzan daude salgai, 18 eurotan bazkideentzat eta ez bazkideentzat 25 eurotan. 65 urtetik gorakoek doan dute bazkaria. Ondoren, bazkideek Ingurutxoa dantzatuko dute, ondoren futbola izango da eta iluntzean berriz, bokadutxo bat jateko aukera eta musika.
Aurrera kirol elkarteko kide guztiek izango dute lekua
biharko festan, eta modu batera ez bada, bestera, parte hartzeko aukera
luzatzen dute. Aurtengoan, dei berezia luzatzen da, blusa beltza soinean
jarri, eta honi, Aurrerako ikurra gehitzeko.
Dokumentuaren akzioak
