Hemen zaude: Hasiera Hemeroteka Aurrera darrai Udaberri dantza taldearen urteurrenak

Dokumentuaren akzioak

Aurrera darrai Udaberri dantza taldearen urteurrenak

Bertso afaria eta Lertxundiren kontzertua, hilabete honetan

Komunikabidea
Diario Vasco
Tokia
Tolosa
Mota
Albistea
Data
2007/09/30

Urrirako bi ekitaldi garrantzitsu antolatu ditu. Lehenengoa, 12an izango da Zerkausian, 21.15tik aurrera: bertso-afaria. Afari honetan, bi bertsolari garrantzitsu izango dute hitza: aski ezagunak diren Andoni Egaña zarauztarra eta Amets Arzallus gaztea. Lehengoak Txapelketa Nagusiko lau txapel ditu soinean, azkena 2005ean lortua. Bestea, berriz, 23 urterekin bertsolarien goia gero eta gertuago du.

Afarirako sarrerak salgai ipiniko dira larunbatetik aurrera Tolosako hiru dendetan: Garikano, Kimetz eta Zunbeltz. Hauen prezioa 20 eurokoa izango da eta aforo maximoa, berriz, 200 pertsonetakoa. Sarrerak erosteko azken eguna urriak 7 izango da. Afarian, gainera, zozketa bat izango da: urriko beste ekitaldiarentzat, hilaren 19an Benito Lertxundik eskainiko duen kontzertuan Leidor antzokian.

Taldearen helburua, 50. urteurrena ospatzeaz gain, ahal den jende gehiena animatzea da. Zita ipinita dago 12an.

Aurrera darrai Udaberri dantza taldearen urteurrenak
50.urteurrenaren dantzaldia.

Dokumentuaren akzioak