Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Aukeran konpainia proposamen berriekin igoko da, bihar, Leidorreko oholtzara

Dokumentuaren akzioak

Aukeran konpainia proposamen berriekin igoko da, bihar, Leidorreko oholtzara

20 urteko ibilbideari errepasoa egingo dio Aukeran Dantza Konpainiak, bihar, ostirala, Leidor Aretoan. 20:30ean izango da ikuskizuna.
Komunikabidea
Tolosaldeko Ataria
Mota
Albistea
Data
2018/12/13
Lotura
Tolosaldeko Ataria

Aukeran Dantza Konpainia bere 20. urteurrena ari da ospatzen. Bi hamarkadaz dantza tradizionala eta garaikidea uztartu ditu, esperimentazioaren bidetik, proposamen artistiko berritzaileak eskainiz.

Aukeran konpainia proposamen berriekin igoko da, bihar, Leidorreko oholtzara
Argazkia: Aukeran

Bada, ideia berriak plazaratzearekin batera, urteotako lanaren isla izango da larunbatean Leidor Antzokian eskainiko duten 20 urte izeneko emanaldia. «20 urteotan ehunka emanaldi egin ditugu, milaka entsegu. Dantzariak, zuzendariak, teknikoak, jostunak... talde oso baten lanordu askoren isla izango da emanaldia». Batik bat, bere azken hiru ikuskizunetan –Gernika, Geltokia eta Maurizia– jarriko du fokua, atzera begirako bidaia proposatuz.

Edu Muruamendiarazek zuzendutako taldeak elementu ugari uztartuko ditu emanaldian: koreografiaz gain, musika, eszenaratzea, argiztapena, janzkera... Horretarako, aparteko kolaboratzaileak izango ditu Aukeranek: Ainhoa Aierbe aritu da zuzendaritza eszenikoan; Mixel Ducau ezagunaren musikak girotuko du emanaldia, Xabi Zeberio, Xabi Solano eta Iñigo Egiaren laguntzarekin; Carlos Solano arduratu da argiztapenaz, eta Oscar Armendariz jantziez.

Dokumentuaren akzioak