Hemen zaude: Hasiera Hemeroteka Aukeran konpainia omendu du Aldundiak "hogei urteotako ibilbide bikainagatik"

Dokumentuaren akzioak

Aukeran konpainia omendu du Aldundiak "hogei urteotako ibilbide bikainagatik"

Joan den zapatuan, irailaren 16an, elkartu ziren Aukeran dantza konpainiako kideak, Edu Muruamendiaraz zuzendaria buru zela, Denis Itxaso Kulturako diputatuarekin. Aukeran konpainiari esker, euskal dantza "agertoki handietan" ikusi ahal izan dela eta gero eta jende gehiagok jarraitzen duela, adierazi zuen horrek.
Egilea
Mirari Altube
Komunikabidea
Goiena
Tokia
Bergara
Mota
Albistea
Data
2017/09/18
Lotura
Goiena

"20 urte daramatza, tradiziotik abiatuta, esanahi berriak bilatzen eta berritzen, harremanetan jartzeko dantza gizartearekin eta egungo joera sozial eta kulturalekin”, esan zuen Itxasok, eta gaineratu zuen konpainiak "gogotsu" egin duela lan eszenografia, jantzi eta koreografia berriak ikertzen eta prestatzen. Eta haren ikuskizunak nabarmendu zituen: Sutargi, Bideak, Gernika, Burnia, Geltokian eta, gaur egungo, Maurizia. "Ikuskizun horien guztien baliabide eszeniko, musikal eta koreografikoek nabarmenki aberastu dute euskal dantza, argi baitago Aukeran konpainiak azken hogei urteetan eskainitako ikuspegi berritzaile hori ezinbestekoa izan dela aberastasun prozesu horretan".

Tradizioei bizitza berria

Era berean, euskal dantza mundu osoko agertokietara eraman izana eskertu zien Kultura diputatuak: "Seguru aski, arrakasta horren oinarrian dago konpainiak ondo ulertu duela tradizioari sor zaion maitasuna hura benetan garatzeko egiten den lanean erakusten dela, eta ez duela zerikusirik haren kontserbazio immobilistarekin, kasu askotan jarrera horrek eragiten baitu tradizioa alde batera uztea. Euskal dantza eta kultura maitatzen dugunok gure kultura bizi nahi dugu gaur egungo errealitate eta egoeratik abiatuta. Eta horretarako, ezinbestekoa da euskarak ezin hobeki zehazten duen lan bat gauzatzea, hau da, biziberritze lana. Beharrezkoa da tradizioei bizitza berria ematea, haiek bizirik irauteko"

Edu Murumendiarazek omenaldia eskertu zuen: "Fusioak beti dira interesgarriak eta bideak, zuzenak ala ez, baina beti saiatu gara berritzen".

Aukeran konpainia omendu du Aldundiak "hogei urteotako ibilbide bikainagatik"

Aukeran dantza konpainiako kideak zapatuan, Denis Itxaso Kultura diputatuarekin.

Dokumentuaren akzioak