Hemen zaude: Hasiera Hemeroteka Aterballetto dantza taldea

Dokumentuaren akzioak

Aterballetto dantza taldea

'Pression' eta 'InCanto dall'Orlando Furioso' koreografiak aurkeztuko ditu gaur Italiako konpainiak

Komunikabidea
Berria
Mota
Albistea
Data
2008/11/07

1979. urtean sortu zuten Fondazione Nazionale Della Danza Aterballeto konpainia. Nazioarteko koreografoen lanekin osatu zuen errepertorioa: besteak beste, Maurice Bejart, Anthony Tudor eta Lucinda Childsen lanak.

Otsailetik Mauro Bigonzettik zuzentzen du konpainia. Egungo errepertorioan Itzik Galili eta Michele Abbondanzaren lanak dituzte, eta Bigonzetti berarenak.

Pression koreografia ikusi ahalko da Arriaga Antzokian. Lau dantzarirentzako lana da, bi gizonezko eta bi emakumezko. Bi pieza laburrek osatzen dute, musika estilo kontrajarriek lagunduta: Helmut Lachenmannen Pression, eta Franz Schuberten Heriotza eta neskaren bariazioak.

InCanto dall'Orlando Furioso da bigarren pieza. Bigonzettik berak sorturikoa da, Ludovico Ariosto poetaren testuan oinarrituta. Arrazoimena zein hauskorra den erakutsi asmo du lanak. Eromenaren eta banakoaren zein gizartearen barne kontraesanak utzi nahi ditu agerian. Ariostok XVI. mendearen hasieran idatzitako lanaren modernotasuna nabarmendu du Bigonzettik.



ATERBALLETTO

Zer. 'Pression' eta 'InCanto dall'Orlando Furioso'.

Noiz. Gaur, 20:00etan.

Non. Arriaga Antzokia, Bilbo.

Dokumentuaren akzioak