Dokumentuaren akzioak
Asteburuan, udazkeneko kultura
Gaur, ostirala, Amets pirata antzerkia eskainiko dute herrian; bihar eta etzi, Hopper animazio filma proiektatu eta Lasala dantza konpainiak ikuskizuna eskainiko du.
Asteburuan jarraituko dute udazkeneko kultur programazioaren barruko ekitaldiek. Gaur, 17:15ean, Amets pirata antzerkia izango da Gezalan; bihar, berriz, Lezoko Zinema Ttikiaren eskutik Hopper oilaskoerbia animazio filma (17:00) ikusteko aukera izango da Lezoko antzokian.
Etzirako, ikuskizun berezia: Lezon jada ezaguna den Lasala dantza garaikide konpainiak 10. urteurrena ikuskizuna taularatuko du Gezalan, 19:30ean hasita. Taldeak hamar urte bete ditu, eta lan horren bitartez ari dira zabaltzen hamarkada batez egindakoaren emaitza.
Lezoko udazkenean, osotara, 39 kultur ekitaldi izango dira. Besteak beste, azaroaren 21etik 25era Poesia Kaiaren edizio berria egingo dute.
Dokumentuaren akzioak
