Dokumentuaren akzioak
Aste osoan ekintzak, Dantzari Festaren beste edizio bat ospatzeko
Asteburuan izango dira hitzordu nagusiak, besteak beste, Euskal Herri osotik etorritako dantza taldeen topaketa igandean
Aste osoan zehar izango dira Dantzari Festari lotutako ekintzak herrian. Astelehenetik igandera programazio berezia antolatu da festa honen 18. edizioan. Ostiralera arte euskal jantzien erakusketa dago Biterin. Iraultza dan-tza taldearen eskutik, astegunetan nahiz jaiegunetan erabiltzen zituzten jantziak jarri dituzte ezagutzera emateko asmoarekin. Gainera, hitzaldia emango dute gaur, jan-tzien esanahia azalduz, egindako ikerketa eta lan guztia kontatzeko. Hitzordua Biterin, 19:00etan izango da. Bestalde, Gero Axular dantza taldeak Argizaiola ikuskizuna eskainiko du ostiralean. Lau zati izango ditu ikuskizunak eta 60 dantzari inguruk hartuko dute parte. Kultur Etxean, 19:00etan.
Dantza festa, asteburuan
Gorputza astintzeko aukera izango dute euskal dantzak maite dituztenek, asteburuan. Larunbatean dan-tzari txikienen txanda izango da. Lehendabizi, Ttarlako dantzariek egingo dute kale buelta; eta arratsaldean, hauek eta inguruko herrietatik etorritako taldeek. Izan ere, Gipuzkoako beste 5 talde arituko dira kalean dantzan, arratsaldeko 17:00etatik aurrera. Eta 19:00etan, erromeria izango da, Plaza Berrin, Jeiki Hadi taldearekin. Igandera begira, dantzak izango dira protagonista Hernanin. Kasu honetan, Euskal Herri osotik etorritakoen txanda izango da, hain zuzen, Ttarlaz gain, Gipuzkoatik Eskola, Goizalde, Trebeska, Meaka, Lore Gazteak, Oñatz eta Illumbe, Arabatik Adurtza taldea, Bizkaiatik Arrizkugarri taldea, Nafarroa Garaiko Orritz taldea, Lapurdiko Begiraleak eta Mutxiko, Zuberoatik Atharratzeko eta Nafarroa Beherako Iruski. Kalejiran aterako dira lehendabizi, eta auzoetara joango dira ondoren. Ikurriñaren dan-tza 13:30etan egingo dute Gudarien Plazan urtero bezala. Eta aste osoko programazioari amaiera ona emateko, erromeria egingo dute, arratsaldean, Kaxkoan.
PROGRAMAZIOA
Gaur. Euskal janzkien erakusketa. Eta hitzaldia, 19:00etan, Biterin.
Bihar. Euskal janzkien erakusketa, 17:00etatik 20:00etara.
Apirilak 12. Gero Axular dantza taldeak antolatutako Argizaiola ikuskizuna.Biterin, 19:00etan.
Apirilak 13. Dantzari txikien irteerak eta emanaldiak egun guztian zehar. Arratsaldean, erromeria.
Apirilak 14. Egunean zehar, kalejira, dantza ekitaldiak, bazkaria eta erromeria.
Dokumentuaren akzioak
