Hemen zaude: Hasiera Hemeroteka Asier Zabaletarekin dantzan

Dokumentuaren akzioak

Asier Zabaletarekin dantzan

Dantzariaren azken koreografiaren estreinua izango da gaur Uharteko Arte Etxean 20:00etan

Egilea
A.G
Komunikabidea
Berria
Tokia
Donostia
Mota
Albistea
Data
2010/08/27

Where is my Mind? ikuskizunak zerikusia du Pixies taldearen izen bereko abestiarekin. 25 minutu irauten du. Ikuskizunean, bizitzak ematen dizkigun hainbat bide eta egoera aztertzen dira.

Asier Zabaleta 1972. urtean jaio zen Ezkion (Gipuzkoa). Arte Ederrak, musika, antzerkia eta dantza ikasi zituen Donostian, Bilbon eta Zurichen. 1994tik aurrera, hainbat konpainiatan ibili da; Arteszena, Adeshoras, Compañia de Vicente Saez, Hojarasca, Q-ro y cia eta Maskarada konpainietan.

1999. urtetik 2004. urtera arte, Suitzako Alias konpainiako kide izan da. Talde horretan, sei antzerki dantzatako sortze lanetan parte hartu zuen. Horrez gain, film, erakusketa, inprobisazio eta bestelakoetan parte hartu du. Egun Ertza dantza eta antzerki taldearen zuzendari da.

Hainbat lan plazaratu ditu orain arte. 1998. urtean, Danada aurkeztu zuen; hurrengo urtean, Belaki efektua; 2003.urtean, Ego ikuskizuna aurkeztu zuen; eta, ondoren, Ego-tik. Hurrengo urteetan, ikuskizun bat plazaratu du urtero: Babia, Look, Ostrukaren zuloa, Bihar jaio nintzen eta Zoo.

'WHERE IS MY MIND?' DANTZA IKUSKIZUNA Noiz. GAUR, 20:00ETAN.

Non. Uharteko Arte Etxean (Nafarroa).

Dokumentuaren akzioak