Hemen zaude: Hasiera Hemeroteka Arrateko Amaren eguna, gaur

Dokumentuaren akzioak

Arrateko Amaren eguna, gaur

Komunikabidea
Berria
Tokia
Donostia
Mota
Albistea
Data
2009/09/08

Arrateko Amaren eguna, egun garrantzitsua da Eibarren (Gipuzkoa). Urtero jendetza biltzen da izen bereko auzoan, eta egun osoko jai eguna antolatu dute Arraten. Egitaraua zabala da oso, eta bertsolariak, musika eta azoka izango dira, besteak beste.

Eibarko Kezka dantza taldearen saio bereziak ere erakarriko du jendea. Arrateko Ama Birjinaren omenezko saio berezia egingo dute Kezka taldekoek: ezpata-dantza dantzatuko dute aurrena, meza nagusian, 11:00etan, eta ondoren egingo duten prozesioaren bukaeran berriro egingo dute, 12:00etan. Horren ostean, Arrate auzoko zelaian eskainiko dute dantza ikuskizuna, 12:30ean hasita. Arrateko Amaren ezpata-dantzaz gain, trokel dantzak egingo dituzte Kezka taldekoek: makila txikiena, makila handien dantza eta brokel-makilen dantza. Gonbidatu bereziak izango dituzte Kezka taldeko dantzariek gaurko saioan: Aritz Ibañez Iruñeko Duguna elkarteko dantzaria eta Garikoitz OtamendiArkaitz dantza taldekoa -Arrateko Dantzarien Kofradian sartuko dira-. Aurrez Arraten dantzatutako Mikel Legorburu eta Egoitz Krutxaga ere han izango dira.

Dokumentuaren akzioak