Arrateko amaren dantzariak

Zuzendariari

Hori horrela ulertzen dugunok eta dantza herriak duen ondare bizi ederrenetako bat dela uste dugunok, joan irailaren 8an Arraten ikusitakoarekin, badugu arrazoi bat baino gehiago aberatsagoak sentitzeko. Eibarko Kezka taldeak, Oier Araolazaren gidaritzapean, ikuspuntu ezberdinetatik eredugarria den maisulan bat burutu du. Oroitzapena bakarrik gelditzen zen lekuan, Ezpata dantza indartsu baten inguruan, erritual eder bezain unkigarri bat birsortu eta plazaratu du. Errito guztiak aldika itzultzen direnez, hau datorren urteko irailaren 8an berriz ikusteko plazerra izango dugu. Publikoki azaldu nahi nuke nire esker ona sortu berria den 'Arrateko Amaren Dantzariak' kofradiak, Northumberland herrialdeko Morris Dancers taldeen fair-play onenarekin, beraien artean onartzerakoan egin didaten ohorearengatik. Besarkada bat.



Iñaki Arregi



Dantzaria