Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Arrakasta handia lortu du Kukai dantza konpainiak Bogotan

Dokumentuaren akzioak

Arrakasta handia lortu du Kukai dantza konpainiak Bogotan

Leioako Umore Azokan eskainiko du aurrenekoz Euskal Herrian 'Gelajauziak', maiatzaren 16an

Kukai dantza konpainiak Gelajauziak ikuskizunaren aurrerapena eskaini du Bogotan, eta arrakasta handia lortu du. Cesc Gelabert koreografoarekin batera sortutako proiektua da, eta Kolonbian igaro duten astebetean hamar emanaldi eskaini dituzte, FITB jaialdian denak. Leioan (Bizkaia), Umore Azokaren barruan, maiatzaren 16an eta 17an izango Gelajauziak Euskal Herrian ikusteko aurreneko aukera.
Komunikabidea
Berria
Tokia
Donostia
Mota
Albistea
Data
2014/04/23
Lotura
Berria

Leioan eskainiko dituzten emanaldietan, taldeak bere osotasunean lehen aldiz estreinatuko du ikuskizuna. Lanaren sormen prozesuan Nestor Basterretxea eskultoreak, Idoia Oiarzabal moda diseinatzaileak eta Sabin Bikandi eta Xabier Erkizia musikariek parte hartu dute, besteak beste. Horrekin batera, Jon Maiak koreografiaren egituran parte hartu du, eta baita Alain Maia, Eneko Gil, Ibon Huarte, Nerea Vesga eta Urko Mitxelena artistek ere.

Dantza taldearen esanetan, lanak «harrera ezin hobea» lortu du Bogotan, eta Independentziaren parkean eskainitako azken emanaldian jasotako harrera beroa nabarmendu dute. Taldeak hainbat emanaldi eskainiko ditu maiatzean, Hondarribian, Zizurkilen, Idiazabalen (Gipuzkoa) eta Valladoliden (Espainia).

Dokumentuaren akzioak