Dokumentuaren akzioak
Argentinako dantzariak eta Udaberrikoak, elkarrekin taula gainean
Tolosako Udaberri dantza taldea Argentinako Necochea hiriko dantzariekin batera ariko da oholtza gainean, bihar, 12:00etan.
Necocheako Euskal etxeko taldea denez, Argentinako folklorearekin batera, euskal dantzak ere eskainiko dituzte taula gainean, eta beren emanaldiak saioko zatirik nabarmenena hartuko duen arren, Udaberriko kideek ere astinduko dituzte oinak.
Horrela, argentinarrek Aurreskua, Chacarera (Argentinako dantza), Zamba (Argentinako dantza), zuberotar maskarada, Makil-Dantza, Ezpata-Dantza, San Migel, Arku-Dantza, eta Fandangoa eta Arin Arina dantzatuko dituzte.
Tolosarrek, beren aldetik, Kaxarranka eta Bizkaiko Arratia eskualdeko Jota eta Porrue eskainiko dituzte, batetik, eta Lapurdiko inauterietako dantzak ere ikusgai izango dira, 12:00etatik aurrera, Plaza Zaharrean.
Dokumentuaren akzioak
