Argentina eta Costa Ricako taldeak, Lurraren folklore jaialdian

Urretxuko Lurra dantza taldeak bideo bat prestatu du Herriarteko 33. Folklore Jaialdia iragartzeko. Aurtengo jaialdia irailaren 10ean izango da, Gernikako Arbola plazan. Goizean, 10:00etatik 14:00etara, folklore azoka egingo dute. 13:00etan munduko dantzen ikastaroa egongo da. Arratsaldean, 18:30etik aurrera, jaialdia egingo dute. Bost taldek parte hartuko dute: Argentinako Bonzibailak, A Coruñako Esteiro herriko Xeiturak, Costa Ricako Costa Rica taldeak, Oñatiko Oñatzek eta Lurrak. Gainera, folklore jaialdiko argazki lehiaketa egingo dute.

Argazkia: Guillermo Murciego