Dantzaz eta musikaz bete zituzten atzo Inudeek eta Artzainek karrikak. 10:00etan zuten hitzordua, eta herriari itzulia eman zioten kantuan eta dantzan.
Alberto Retegi musikaria izan zen Aita Joxeperen rola jokatu zuena, eta Gure Txokoak omenaldia egin zion dantzak berreskuratu zirenetik musika jotzen ateratzeagatik. Atzo ere ez zuen hutsik egin, Aita Joxepez atera bazen ere, Altzatera ailegatzean klarinetea hartu eta bandarekin batera jotzen aritu baitzen. Konpartsan denetariko mozorroak atera ziren: erretiratutako artzainak, medikua, hartza, deabrua, alargunak, eskola erlijiosoko ikasleak... Goizeko dantzen ondotik, bazkalondoan berriz ere dantzan aritu ziren, baina arratsaldean euripean.
Inauteetako azken eguna gaur
Gaur, astelehena, izanen dute inauteek segida. Goizean zingar arroltze eskea izanen da baserrietan eta egun osoan mozorroak ibiliko dira karrikan. 18:00etan Andoni Ollokiegiren kontzertua izanen da Toki Onako estalpean.
