Xabi Mendizabal zaharberritzaile eta artista oñatiarrak eta haren lankide Joanes Diez sortzaile eta arotzak egindako erraldoiak 2024ko andramaixetan iritsi ziren herrira, eta ondoren, San Migel jaietan ere kalejiran jardun zuten.
Orain, baina, erronka da konpartsa bat sortzea Aretxabaletan. Udala eta hainbat herritar prozesu horretan murgilduta daude azken hilabeteetan, eta "ilusio handiarekin" dihardute lehen pausoak ematen; entseguak egiten, esaterako.