Hemen zaude: Hasiera Hemeroteka 'apur batean SOKA DANTZA' erakusketa hartuko du Gernika-Lumoko Euskal Herria Museoak

Dokumentuaren akzioak

'apur batean SOKA DANTZA' erakusketa hartuko du Gernika-Lumoko Euskal Herria Museoak

Komunikabidea
Lanabesa
Mota
Albistea
Data
2011/11/08
Lotura
Lanabesa

Erakusketa, 2012ko urtarrilaren 15erarte ikusgai egongo dena, Soka Dantzaren irudiak biltzen dituen kolorezko 43 argazkiz osatuta dago. Soka Dantza, dantzariek euren
eskuak elkartuta soka edo kate bat eratuz egiten duten dantza da; soka hau, zirkulo ireki eran zabaltzen da eta muturretako dantzariek zuzentzen dute –aurrendari eta atzeskuak-. Dantza mota honi buruz dauden datu zaharrenak 1877.urte ingurukoak dira eta herriaren, dantzari kopuruaren zein ospakizunaren arabera, modu desberdinetan interpretatuko da, beti ere, oinarrizko koreografia eta ohiko elementuak errespetatuz.

Erakusketa honetarako, Elgoibarren abuztuaren 24ero, San Bartolome egunean, plazan dantzatzen den Soka Dantza aukeratu da. 2011.urterarte, 77aldiz jarraian jantzi izan da plaza hau Soka Dantzarekin. Iñaki San Martinek, zinemagintzaren alorrean formatua izanik, betidanik sentitu izan du argazkigintza teknikekiko erakarpena. 1989. urtean, “Fotografia Soarte” eratu eta gaur egun bere erakusketaren unibertsoa osatzen duten argazkiak sortzen hasiko da. Artista honentzako, sormena eta obraren kontzepzioa izan dira dudarik gabe erakusketan ikusiko ditugun argazkien osaketan zati garrantzitsuena. Bere hitzetan, “emakume eta gizon hoiek, dantzariak eta txistulariak…dira eguneroko lanarekin gure kultura bizirik
mantentzen dutenak”, lanaren benetako egileak. Materialei dagokienean, argazkigintza pinturarekin lotzeko asmoz, oinarrizkoenetatik hasi eta teknika digital
sofistikatuenetaraino erabili ditu Iñaki San Martinek.

Erakusketa honek, SOKA DANTZA tradizionala teknika bisual modernoen bidez ezagutzeko aukera ematen digu, Euskal kulturako elementu hau begirada berezi batez erakutsiz.

Argazkiak: www.fotografiasoarte.com. Egilea: Iñaki San Martin.

Dokumentuaren akzioak