Gaineko plazan, 08:00etan askaria eskainiko dute eta horrez gain, merkatua izanen da. 11:00etan desfilea abiatuko da hainbat partaiderekin: Tuterako, Garaztarrak eta Luzaideko dantza taldeek, ziganteek Ezpela, Uztaritzeko eta Kuxkuxtu txarangen laguntzarekin, gaiteroek, makilariek, Anhauzeko basaldunak, trikitilariek, Karmele eta Koldobikek eta bertsolariek parte hartuko dute.
Pentzean, berriz, 14:00etan bazkaria eginen dute eta Ezpela, Kuxkuxtu eta Uztaritzeko txarangak arduratuko dira mahai-ingurua girotzeaz. Herriko Etxearen aitzinean, bertzalde, 13:30etik 15:00etara eta 18:00etatik 21:00etara mutil gazteak ariko dira.
Plazan, azkenik, 15:00etan Izaki gardenak taldea ariko da; 17:00etan Bashainarak taldeak dantza ikusgarria eskainiko du; 18:00etan Kiki Bordatxok hartuko du lekukoa eta 20:00etan Eskean Kristo taldeak kontzertua eskainiko du. 22:00etan Diabolo Kiwi taldearen txanda izanen da eta eguna borobiltzeko 23:30ean Holako Deluxerekin dantzaldia izanen da.
Apirilaren 27an, berriz, zine kontzertu berezia izanen da, Charles Chaplin zinemagile ospetsua sortu zela 130 urte bete direla eta denbora batez Baigorrin egon zela oroituz.
