Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Ane Jaunarena eta Endika Osa lezoarrek irabazi dute Azpeitiko XX. Dantza Suelto Txapelketa

Dokumentuaren akzioak

Ane Jaunarena eta Endika Osa lezoarrek irabazi dute Azpeitiko XX. Dantza Suelto Txapelketa

16 urtez azpiko hamasei dantzari bikotek parte hartu dute gaur Soreasu antzokian jokatu den dantza suelto txapelketan. Lehen bi sariak Lezoko dantzariek lortu dituzte, eta hirugarren, laugarren eta bosgarren sariak erdietsi dituzte Azpeitikoek.
Komunikabidea
Urola Kostako Hitza
Tokia
Azpeitia
Mota
Albistea
Data
2021/12/19
Lotura
Urola Kostako Hitza
Azpeitiko dantza suelto txapelketan lehen hiru postuetan gelditu diren bikote dantzariak. (Argazkia: Nerea Uranga)

Iazko etenaren ostean, gaur itzuli da Azpeitiko Gazteen Dantza Suelto Txapelketa; XX. edizioa jokatu da Soreasu antzokian, 12:00etan hasita. 16 urtez azpiko hamasei bikotek parte hartu dute, eta fandango eta arin-arin bana dantzatu dituzte Oskar eta Aitziber Estanga trikitilarien doinuekin.

Ane Jaunarena eta Endika Osa lezoarrak izan dira dantzari txapeldunak. Bigarren postua ere Lezoko dantzariek erdietsi dute, Olatz Azkuek eta Mikel Esnaolak. Hirugarren izan dira Nora Aizpuru eta Iker Zabala dantzari azpeitiarrak. Laugarren eta bosgarren postuak ere herrian gelditu dira; Malen Arrizabalaga eta Enaitz Segurola eta Jone Arriaran eta Izaro Arandia izan dira, hurrenez hurren. Sariak Josu Labaka, Mikel Odriozola eta Ander Ugarte zinegotzien eskutik jaso dituzte.

Luis Alberdi Beltzaren dantza suelto eskolak antolatu du dantza txapelketa, hainbat dantzariren gurasoen eta Azpeitiko Udalaren laguntzarekin.

Dokumentuaren akzioak