Amandreei eskainitako emanaldia Otsoak Dantza taldearen eskutik
Atzo eguerdian eskaini zuen Otsoak Dantza taldeak "Gure Amandreak" izeneko ekitaldia.
Otsoak Dantza taldeko dantzari guztiek hartu zuten parte atzo eguerdian Ataungo Herri Antzokian eskaini zen "Gure Amandreak" ekitaldian. Garai batean gizonezkoek bakarrik dantzatzen zituzten koreografiak eskaini zituzten modu tradizional eta berezi batean, emakumeek ere beraien presentzia adieraziz. Artxibategian lanean aritu ondoren, garai bateko amandreen irudi dotorez osaturiko bideoa partekatu du dantza taldeak sare sozialetan.