Hemen zaude: Hasiera Hemeroteka Amaiur Dantza Taldeak Folk Lore eguna ospatuko du gaur Iruñeko Alde Zaharrean

Dokumentuaren akzioak

Amaiur Dantza Taldeak Folk Lore eguna ospatuko du gaur Iruñeko Alde Zaharrean

Dantzak ,akelarrea ,musikariak eta zanpantzarrak izanen dira, besteak beste

Komunikabidea
Diario de Noticias
Tokia
Iruñea
Mota
Albistea
Data
2007/03/24

Goizean goiz hasiko dira ekitaldiak. Izan ere, 10.30etan dantza talde txikiei harrera eginen zaie, Burgoen Plazan. Hamaiketakoaren ondoren desfilea izanen da. San Frantzisko plazan eta Gaztelu Plazan dantzatuko dute taldeek. Ondoren, 12.30 eta 13.30ak bitarte, dantza ikuskizuna eskainiko dute talde txikiek Burgoen Plazan.

Bazkaldu ondoren, herri kirolak izanen dira, Burgoen Plazan, 16.00etatik aurrera. Halaber, Agnès Perez eta Kokinek eskainiko dute emanaldia. 18.00etan kalejirari emanen zaio hasiera, triki-poteo eta dantzak lagun. Zehazki, Burgoen Plazatik abiaturik, Mercaderes, Estafeta eta Gaztelu Plazan arituko dira musikariak eta dantzariak. Kalejira ondoren, ikuskizuna eskainiko dute Burgoen Plazan, zanpantzar, fanfarre, albokari, trikitilari, gaitero, momoxorro eta guzti. Azkenik, 20.00etan Akelarrea ospatuko dute Burgoen Plazan. Dena dela, euria eginez gero Recoletasen ordez, Gaztelu Plazako arkupean eginen dute dantza.

Dokumentuaren akzioak