Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Amaitu dira Kalezarren San Joan jaiak

Dokumentuaren akzioak

Amaitu dira Kalezarren San Joan jaiak

Asteazkenean San Joan eguna ospatu zuten eta, beste behin ere, soka dantza eskaini zuten kalezartarrek

Amaitu dira Kalezarko San Joan jaiak. Pasa den ekainaren 19az geroztik jai giroa izan da bertan. Izan ere, astean zehar atsedenaldia izan ostean, ostiraletik atzo arte ekimen ugari izan dira Kalezarren hiru egunetan banatuta. Larunbatean oilaskobiltzaileak izan ziren protagonista nagusiak. Igandean umeen eguna izan zen eta asteartean, San Joan bezpera izaki, eskean ibili ziren goizaldera arte, tartean suaren inguruan ere bildu zirelarik.
Egilea
Josu Aranberri
Komunikabidea
Diario Vasco
Tokia
Usurbil
Mota
Albistea
Data
2015/06/26
Lotura
Diario Vasco

Hala ere, asteazkenean izan zen askorentzat ekitaldi nagusiena izaten dena. Goizean meza nagusia izan zen ermitan eta ohikoa denez, jende dexente bildu zen ondoren plaza inguruan. Batzuk hamaiketakoa egiten, besteak toka txapelketan parte hartuaz edota beste urte batez plazan Gorritiren Showa ikusi asmoz.

Kalezartarrek soka dantza eskaini zuten arratsaldean. Burunhandiak hara eta hona ibili ziren lehendabizi eta ondoren, 19:00ak inguruan, hasi zen hamargarren urtez jarraian eskainitako saioa. Aurtengoan ere Usurbil-zarreko bi adineko omendu nahi izan zituzten, Pilar Huegun eta Joxe Antonio Etxeberria hain zuzen ere. Lore sorta bana eta txapela eta zapia jaso zituzten dantzariengandik eta saioa bertatik bertara jarraitu ahal izan zuten.

Ondoren, dantza saioa hasi zen. Ohikoa den bezala gizonezkoak izan ziren eskuak elkarri emanez soka baten gisan Kalezarko plazara irten zirenak txistuaren doinua jarraituz. Aurresku eta atzeskuaren hasierako dantza eta aurrez aurrekoaren ondoren dantzari guztiek bana banan egin zuten dantza. Neskak atera zituzten plazara segidan eta amaieran arin-arin eta fandangoak elkarrekin dantzatu zituzten. Aurtengo San Joan jaiei amaiera emateko, berriz, sardina eta sagardo dastaketa izan ziren Saizar sagardotegiaren eskutik.

Taldea. Soka dantzaren ondoren ohikoa izaten den legez taldeko argazkia atera zuten dantzari, txistulari eta omenduek.

Taldea. Soka dantzaren ondoren ohikoa izaten den legez taldeko argazkia atera zuten dantzari, txistulari eta omenduek. / NOAUA!

Dokumentuaren akzioak