Hemen zaude: Hasiera Hemeroteka Ibarrako Alurr dantza taldea Lusazian

Dokumentuaren akzioak

Ibarrako Alurr dantza taldea Lusazian

Egilea
Ainhoa Calleja
Komunikabidea
Diario Vasco
Tokia
Ibarra
Mota
Albistea
Data
2007/07/24

Udaletxeko harreraren ostean, jaialdian esku-hartzen duten talde guztiek Crostwitz herrian zehar desfilea egin zuten, eta zehaztuta zegoen ibilbideko gune desberdinetan, dantza emanaldiak eskaini zituzten.

Afari-merienda egin ondoren, iluntzeko 20:00etan hasi eta 22:30ean amaitu zen jaialdiaren inaugurazio ekitaldiari ekin zitzaion. Ekitaldia Bautzen herriko gazteluan izan zen. Bertan, gonbidatuta dauden 9 taldeek 12 minutuko aurkezpen saioa eskaini zuten, zeinetan, Alurrek Banakoa eta Fandangoa dantzatu zuen. Nazioarteko jaialdian parte-hartzen duen talderik gazteena izanik, ikuslegoaren aldetik txalo zaparrada jaso zuen Alurren saioak eta jendeak bereziki fandangoarekin harridura azaldu zuela adierazi digute Alurr taldekoek. Inaugurazio ekitaldia su artifizialen ikuskizun batekin amaitu zen.

Ostiraleko programa nahikoa beteta izan dute Alurrekoek. Goizez Lusazian zehar ibilbide turistikoa antolatu diete; eguerdian 'Folk kultura tradizionalaren adaptazio modernoa' deritzon mintegian parte hartu dute, eta iluntzean berriz, hiru etxalde desberdinetan 45 minutu inguruko saioak eskaini dituzte. Jaialdiaren antolaketarekin oso gustura agertzen dira Alurr Dantza Taldeko kideak. Ailegatu zirenetik ingelesez hitz egiten duten 2 gida gazte dituzte erabat alboan, taldeak bertan emango dituen egunetan eurekin denbora guztian egongo direlarik. Bautzen herrian egonaldia herriko ikasle-egoitza batetan dute Alurrekoek. Antolakuntza aldetik, egitaraua oso ongi antolatuta dagoela adierazi digute. Domowina Elkarteko kideek Alurr Dantza Taldea gustura egon dadin saiakera handia egiten ari direla eta hori oso eskertzekoa dela diote Alurrekoek. Esperientziaz gozatzen ari dira eta itzultzerakoan kontatzeko hamaika gauza izango dituztela ziur gara.

Dokumentuaren akzioak