Alurr Dantza Taldeak emanaldi ugari eskaini ditu azken egunetan

Ordu erdiko emanaldia eskaini zuen, eta bertan eskainitako dantzen artean aipagarriak dira zuretzat, izenik ez,... «Gure dantzekin tartekatuta txalapartaz, abestiak eta Gineako dantzak ikusteko aukera izan zuten bertaratuek. Amaitzeko 'paloteado' dantza eskaini genuen Tolosako Mulanbo taldearekin batera. Hau guztia eskaintzen genuen bitartean, pintore ezagunek jendaurrean panel bat pintatzen aritu ziren. Gau polita eta magikoa bizitu genuen, emanaldiaren ezberdintasunarengatik eta kultur eta ohitura ezberdinen nahasketarengatik».

Gauzak horrela, ia goizaldean, zertxobait deskantsatu ondoren, igandean, 2007ko urriaren 14ean, Arrangoitzera joan ziren bertakoek gonbidatuta 'Muxikoaren eguna' delakoan parte hartzera. Goizean beraiekin batera dantzatu zuten, herri giroan,bertako dantza tradizionalak (Muxikoak,...) bai eta Euskal Herriko dantza ezagunak ere, horien artean, Larrain dantza, Lantz,... Bazkari on baten ondoren, Alurr Dantza Taldearen ordu eta erdiko emanaldia eskaini zuten.

Bertan eskainitako koreografien artean: Arin-Arratia, paloteado, kaxarranka, obaloa, eta abar. Dantza hauekin batera beste dantza batzuk ere eskaini zituzten: Ezpata dantza, Agurra, Xuletino, Izenik ez, fandango eta abar. «Azpimarratu nahi dugu bertaratu zen jendeak egin zigun harrera eta eman zigun berotasuna, bai eta aurrerantzean ere Iparraldeko taldeekin eta federazioarekin dugun lankidetzan, truke lanean jarraituko dugula, gure kultura, ohiturak eta tradizioak aberasten jarraitzeko asmoz».

Argazki-erakusketa

Kutxa Gizarte Ekintzak babesturik, 'Begiradak zuri-beltzean eta koloretan Gipuzkoako arkitekturaren historiari' lemapean, Gipuzkoako garai askotako elementu arkitektonikoen argazki bilduma jarri da ikusgai Ibarrako Benito Izagirre Kultur Etxean. Kutxa Fototekako fondokoa den argazki bilduma honetan, Gipuzkoako herri ezberdinetako ondare arkitektonikoaren zedarri gertatzen diren hainbat monumentuen zuri-beltzeko argazki zaharrak kolorezko berriagoekin batera dira ikusgai. Kontraste horrez gain, erakusketaren bisitariak azken urteotan gure ondasuna berriztatzeko eginiko ahaleginak ikusi ahal izango du. Erakusketa hilaren 31 arte bisitatu ahal izango da, 10etatik 13etara goizez eta 15:30etik 21etara arratsaldez.

Alurr dantza taldeko partaideak duela gutxi eskainitako emanaldi batean. [CALLEJA]