Hemen zaude: Hasiera Hemeroteka Allur Dantza Taldea, euskal dantzen enbaxadore

Dokumentuaren akzioak

Allur Dantza Taldea, euskal dantzen enbaxadore

'Munduko Kultural eta Ohiturak' XXXIII. nazioarteko jaialdian esku hartuko du. Igande gauean abiatu ziren Frantziako Romans-Sur-Iseren hilaren 11ra bitartean ospatzen ari den jaialdira

Komunikabidea
Diario Vasco
Tokia
Ibarra
Mota
Albistea
Data
2010/07/08
Bihar, 'Euskaldunak ezagutzen' izenpean, ekitaldi nagusia eskainiko du Alurr Dantza Taldeak. Giroa berotzen joateko, antolatzaileek afari euskalduna eskainiko dute parte hartu nahi duen ororentzat, eta ondorenen, Alurren emanaldiaz gozatzeko aukera izango da.
Larunbatean, 'Munduko lorategiekin gaua' izenpean, Georgia, Rapa Nui, Lituania eta Nigeriako taldeekin batera emanaldia eskainiko du Alurrek Nazioarteko Zapataren museoko lorategietan.
Igandean, jaialdian parte hartzen duten talde guztiek Saint-Donat-sur l'Herbasse-eko kaleetan zehar desfilea egingo dute eta Udaletxean agintarien harrera izango dute. Arratsaldean berriz, 'Gure ezberdintasunak lantzen' izenpean, Benin, Georgia, Indonesia, Lituania, Peru eta Frantziako taldeekin batera emanaldia eskainiko du Alurrek.
Alurr Dantza Taldearen helburu estrategikoetariko bat euskal dan-tza eta kulturaren bitartez beste herrietako kulturetara gerturatzea eta elkartrukeak sustatzea izanik, jarduerak parte hartzaileengan kultur aniztasunarekiko, aparteko sentsibilitatea, jakin-mina eta elkartasuna sortu eta sustatu nahi du.
Gazteak kulturartekotasuna eta elkartasuna -egun hainbat herrik, kulturak eta talde etnikok bizitzen eta pairatzen dugun egoera dela eta- ezinbesteko estrategia sozialak direla ohartaraztea nahi da. Hori dela eta, euskal dantza eta musika akuilu eta bide izanik, Alurrek kulturaren eta kulturen arteko harremana sustatzea eta garatzea du helburu.
Allur Dantza Taldea, euskal dantzen enbaxadore

Taldea. Igande gauean abiatu ziren taldeko kideak Frantzia aldera autobusez.

Dokumentuaren akzioak