Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › ALKE eta Jo ala Jo diruz lagundu ditu Kultura Zuzendaritzak

Dokumentuaren akzioak

ALKE eta Jo ala Jo diruz lagundu ditu Kultura Zuzendaritzak

Orantzaroa: Leitzako Olentzero eta Mutildantza eguna: Pirinoetan dantzan proiektuak gauzatzeko

Nafarroako Gobernuak, Kultura departamenduaren bidez, Sustraiak 2019 dirulaguntzak banatu ditu. Tokian tokiko elkarteek herri kultura tradizionala sustatzeko egiten duten lana saritzeko 80.000 euro banatu dituzte Nafarroako 15 kultur elkarteren artean. Dirulaguntza jaso dutenen artean, bi dira eskualdekoak: Altzadi Leitzako Kultur Elkartea eta Baztango Jo ala Jo Kultur Taldea.
Komunikabidea
Erran
Tokia
Mendialdea
Mota
Albistea
Data
2019/06/04
Lotura
Erran
Orantzaroaren antzinako irudiak, herritarren testigantzak... biltzen ari dira ALKEkoak.

Orantzaroa ikergai
Altzadi Leitzako Kultur Elkarteak jasoko dituen 4.000 euroak Orantzaro, Leitzako Olentzero proiektua finantzatzeko izanen dira. Elkartea gaiari buruzko ikerketa sakona egiten hasi zen duela hamar urte eta horretan dihardu. Bidean, Orantzaroaren inguruko aurkikuntza etnografiko garrantzitsuak egin dituzte: genero ikuspegitik, errituak, esanahiak... eta herritarren testigantzak ere jaso.  Horiek guztiak ikus-entzunezko lan batean biltzen hasiak dira. Urte bukaera aldera aurkeztuko dute jendaurrean.


Baztango dantzetan sakonduz
Jo ala Jo Kultur taldeak, berriz, 5.390 euroko dirulaguntza izanen du Mutildantza eguna: Piriniotan Dantzan proiekturako. Baztango folklorean sakontzea da proiektu honen helburua eta 2019an Moneidarrak dantza izanen dute aztergai. Apirilean eta maiatzean hainbat ekintza antolatu dituzte.

Diruz lagundutako bertze elkarteak hauek izan dira: Banden Federazioa (7.848 euro),  Orreaga Fundazioa (8.540 euro), Garaitzeko ASI Kultur Elkartea (5.300 euro), Duguna Folklore Taldea (4.865 euro), Oberena (3.464,79 euro), Nafarroako Bertsozale Elkartea (9.600 euro), Ortzadar Euskal Folklore Elkartea (3.900 euro), La Pamplonesa Kultur Elkartea (2.150 euro), Euskal Dantzarien Biltzarra (9.600 euro), Olentzereron Lagunen Elkartea (9.600 euro), Elutseder Elkartea (1.125 euro), Angiluerreka Elkartea (7.081,75 euro) eta Irati Bortuak (7.081,75 euro).

 

Dokumentuaren akzioak