Alkateak eta zinegotzi berriek lehen aldiz dantzatu zuten aurreskua Herriko Plazan

Osterantzean, haurrak izan ziren nagusi atzo, herriko festetako lehen egunean. Asko ibili ziren kaleetan, hainbat saiotan arituz.

Jaietako bigarren eguna da gaurkoa. Goizez gastronomia lehiaketa egingo da Kalebarrenen. Azken urteotan indarra hartu du eta irabazteko benetako grina erakutsi dute hainbat sukaldarik. Antzuolako gastronomia elkarteek, herritarrek, edozein elkartek edota horretarako osatutako taldeek dute parte hartzeko aukera.

Hona hemen gaurko egitarau osoa: goizeko 10:00etan, txistulari taldearekin goizeresia; 10:15ean, gastronomia lehiaketa gaztetxe aurrean (patatak errioxar erara egingo dira); 11:00etan, umeentzako jolas parkea eskolako patioan; 12:00etan, meza nagusia; 12:45ean, balkoi eta leihoetako lore apainketa lehiaketaren (Joxepa Aiastui da irabazlea) eta gastronomia lehiaketaren sari banaketak; eguerdiko 13:00etan, patatak errioxar erara dastatzeko aukera izango dute gerturatzen direnek; arratsaldeko 14:30ean, herri bazkaria Kalebarrengo arkupetan (mahaiak eta eserlekuak han egongo dira; jatekoa eta edatekoa, berriz, norberaren kontura), 16:30ean, jolas parkea eskolako patioan; 18:30ean, poniak eta zezentxoak Zurrategin; 19:30ean, pilota partidak (Garralda Etcheverryren aurka lau t'erdi barruan eta Larrañaga-Irureta Azpiri-Landabururen kontra binaka; 20:00etan, koadrilen poteoa txarangarekin eta Iñaki Mataren 'Barreras' kale antzerkia; gaueko 22:30ean, suzko zezena Herriko Plazan; 23:00etatik 1:00era, Trovahabana kubatar taldearen saioa Herriko plazan; 23:00etan, kon-tzertuak Zurrategin, txosna batzordeak antolatuta; eta goizaldeko 7:00etan, txokolatada txosnetan.