Alkartasunak soka dantzarekin ospatuko du neguko solstizioa

Solstizioak, Euskal Herrian, hainbat ekitaldirekin ospatu ohi dira. Neguko solstizioa gertu dago, eta Alkartasunak urteroko ohitura berreskuratuko du hilaren 20an. “Gustatzen zaigun moduan egingo dugu: dantzan”, esan dute Alkartasunako kideek. Soka dantzan ariko dira, 19:00etatik aurrera, Gure Zumardian.

Herritarrak gonbidatu dituzte bertan parte har dezaten, eta horretarako bi entsegu antolatu dituzte. Hilaren 14an eta 16an izango dira entsegu ireki horiek. Azokan prestatuko dute soka dantza, 20:30etik 21:00etara —bi egunetan—.

Iazko baino eguraldi hobea espero du Alkartasunak