Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Alaitsukoek txupina botata, samieletan murgildu dira aizarnazabaldarrak

Dokumentuaren akzioak

Alaitsukoek txupina botata, samieletan murgildu dira aizarnazabaldarrak

Dantzan hasi zituzten atzo samielak Aizarnazabalen. Alaitsu dantza taldekoek bota zuten txupina, eta giro ederrean ekin zioten horrenbeste itxarondako festei. Gaur jarraituko dute jaiekin, eta, besteak beste, XXXVI. Sagardo Lehiaketa eta Bolo Txapelketa jokatuko dituzte eguerdi partean. Igandera arte izango da zer egin eta zertaz gozatu Aizarnazabalen.
Egilea
Maialen Etxaniz - Urtzi Oteiza
Komunikabidea
Urola Kostako Hitza
Tokia
Aizarnazabal
Mota
Albistea
Data
2022/09/29
Lotura
Urola Kostako Hitza

Samieletan murgildu dira aizarnazabaldarrak. Atzo arratsaldean, Samiel egunaren bezperan, bota zuten txupinazoa, bi urteko hutsunearen ostean, festez gozatzeko irrikaz. Alaitsu dantza taldekoek bota zuten txupinazoa, eta haur, gazte eta heldu kalejiran dantzan iritsi ziren udaletxeraino. Balkoian, Mari Karmen Arregi alkateak hartu zuen hitza, eta eskerrak eman zizkien festak antolatzeko beren alea jarri duten guztiei. Era berean, gogoan izan zituen “falta direnak”, eta herritarrei festaz gozatzeko deia egitearekin batera, hitza eman zien 

Suziria eztandarazi ondoren, plazara jaitsi eta dantzan jarraitu zuten Alaitsukoek. Eguraldiak ateri eutsi zuen, eta txupinazoa amaituta trikitilariekin poteoan ibili ziren aizarnazabaldarrak. 

Gaur jarraituko dute festarekin; izan ere, Samiel eguna da gaurkoa, eta aizarnazabaldarrek izango dute zer egin eta zertaz gozatu. Festa hasi besterik ez da egin Aizarnazabalen, igandera bitartean ospatuko baitituzte horrenbeste itxarondako samielak.

Dokumentuaren akzioak