Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka 4. Dantza Egunak, kartela prest

Dokumentuaren akzioak

4. Dantza Egunak, kartela prest

Komunikabidea
Noaua
Mota
Albistea
Data
2016/04/15
Lotura
Noaua

Aurrean zabalik duen leihotik Usurbilgo elizara begira ageri den lagun baten itzala dugu, datorren apirilaren 23an udalerri honetan ospatuko den 4. Dantza Eguneko karteleko protagonista. Orbeldi Dantza Taldeak prest du beraz, bai ekimenen egitaraua, baita egitaraua bera iragartzeko bitartekoa ere.

Plazara, dantzara ateratzeko eguna izango dugu apirilaren 23a, dagoeneko herriko kultur eskaintzan bere tartea egin duen 4. Dantza Egunez. Orbeldi Dantza Taldekoek egun osoko egitaraua josi dute; erromeria, ikuskizun edota dantza taldeen topaketekin. Aurtengoan, zenbait berrikuntza txertatu dituzte. Hasteko, goizetik hasiko dira ospakizunak; usurbildarrekin batera, Donostia eta Lekunberritik etorriko diren dantzariekin. Kalejira eta ekitaldia iragarri dituzte frontoian. Iaz, arratsaldez, dantza estilo ezberdinen erakustaldia egin zen pilotalekuan. Aurtengorako erromeria programatu dute antolatzaileek. Eta gauean, azken hilabeteotan ontzen aritu diren herriko dantzarien ikuskizunaren estreinaldi handia izango dugu. Dantza Eguneko unerik zirraragarriena; “Kanpaiak Jotzean” ikuskizuna.

Apirilak 23, larunbata
11:00 Dantza Taldeei harrera. Partehartzaileak:
– Ortzadar Dantza Taldea (Lekunberri).
– Goizaldi Dantza Taldea (Donostia).
– Orbeldi Dantza Taldea (Usurbil).
12:00 Kalejiraren hasiera. Herriko gune desberdinetan geldialdiak egingo dira dantza saioak eskaintzeko.
13:30 Ekitaldi Nagusia frontoian.
14:30 Dantzarien Bazkaria.
18:00 Erromeria frontoian, Ortzadar taldearekin.
22:30 “Kanpaiak Jotzean” ikuskizuna, Orbeldi Dantza Taldearen eskutik.

Antolatzailea: Orbeldi Dantza Taldea.

Dokumentuaren akzioak