350 haur Dantzari Txiki Egunean, larunbatean Tolosako kaleetan zehar

Taldeen izenak: Gasteizko Eguzkilore-Adurtza taldea, Galdakaoko Andra Mari taldea, Iruñeako Duguna taldea, Hendaiako Guria taldea, Oiartzungo Haurtzaro taldea, Hernialdeko dantza taldea eta Aresoko dantza taldea. Guzti hauekin batera, Udaberriko haurrak ere irtengo dira kalejiran, orain arte ikasitako dantzak herritarrei erakustera. Guztira, 350 bat haur arituko dira 30 musikariren doinuak dantzatuz eta 40 begiraleren zaintzapean.

Eguerdian, haur guztiak Tolosako eta inguruko herrietako 12 elkartetan banatuko dira bazkaltzera joateko.Udaberriko haurren gurasoen laguntzari esker

Arratsaldean berriz, 16:30etan Tolosako Plaza Berrian elkartuko dira haur-talde guztiak berriz ere eta bertan ikuskizun paregabea eskainiko dute. Ekitaldia 18:00ak aldera amaituko da. Jarraian, jai-giroan jarraituz, triki-txaranga poteoa izango da. Poteoan zehar giroa alaituz 2 trikitilari, 12 lagunez osatutako txaranga eta 3 dultzaineroren laguntza izango dute dantzariek. Afaria egongo da Zerkausian. Joateko sarrerak aldez aurretik erosi beharko dira Denak, Raku, Orbela edo Ikatza tabernetan. Afaldu ondoren, erromeria Galdakaoko Oxabi musika taldearekin.