Abenduko Aiurri hamaboskarian argitara eman bezala,
Bixente Olano euskaltzaleari iritsi zitzaion 1936ko gerra aurreko garaietatik oihartzuna, Aduna eta Andoaingo mutil gazteek dantzatu ohi zutela Axeri Dantza.
Lizar Makileko dantzariek 1975eko Amabirjin egunean, Adunako plazan, estreinatu zuten. Eta handik urtebetera, gauza berbera egin zuten Andoaingo Goikoplazan, San Juan egunean. Geroztik, Andoainen ez dute hutsik egin. Adunan, berriz, bertako gazteek 80ko hamarkadaren hasieran heldu zioten dantzari, eta urtez urte eutsi diote usadioari.
Larunbat honetan, otsailak 8, goizeko 12:00tan hasita, Andoaingo Goikoplazan emango dute efemerideari loturiko jardueren berri.
