Zubieta: Joaldun txikiak errege bezperan 2022

Hiru joaldun gazte atera dira gaur goizean Zubietan, beste haur gehienak bakartuta baitaude etxean. Malerrekan errege bezperan entzun ohi dira lehen joare soinuak; goizean haur eta gaztetxoenak irteten dira kalera puska biltzera eta iluntze aldera helduagoak parranda giroan. Momentuz hiru joaldun gaztetxo hauek dabiltza etxez etxe joare joka. Gaurkoa izan ohi da egun ona joareak probatzekoa edo urratsa praktikatzekoa. Irudiak: Igor Babaze. Joaldun txikiak errege bezperan, Zubieta, 2022-01-05.